Siejm Polščy pryniaŭ zakon, pavodle jakoha dziaciej buduć adpraŭlać u škołu z 7 hadoŭ
29 śniežnia polski Siejm pryniaŭ papraŭki ŭ zakon ab sistemie adukacyi, zhodna ź jakimi dzieci abaviazany pačynać navučańnie ŭ škołach z 7 hadoŭ. Raniej polskija dzieci išli ŭ škoły z 6 hadoŭ.
Pavodle papravak da zakona, abaviazkovym źjaŭlajecca naviedvańnie dziciačaha sadka dla 6-hadovych dziaciej.
Zakon nie zabaraniaje dzieciam pačynać navučańnie ŭ škole z 6 hadoŭ, adnak, tolki pry ŭmovie, što dzicia choć by hod chadziła ŭ dziciačy sad abo atrymała paśviedčańnie ad psichołaha pra hatoŭnaść pačać navučańnie ŭ škole.
Za pryniaćcie papravak da zakona ab adukacyi prahałasavali 269 deputataŭ («Prava i Spraviadlivaść», bolšaść deputataŭ ad «Kukiz'15»), 156 byli suprać («Hramadzianskaja płatforma» i «Sučasnaja»), 17 deputataŭ ustrymalisia (ź ich 15 z Polskaj sialanskaj partyi).
Papraŭki da zakona ab adukacyi nakiravany na razhlad u Sienat.