Aŭtamat Kałašnikava i 152 patrony vyjavili ŭ rasijanina ŭ Minsku
Milicyja kanfiskavała ŭ Minsku ŭ hramadzianina Rasii aŭtamat Kałašnikava i 152 patrony roznaha kalibra, paviedamiŭ karespandentu BIEŁTA načalnik Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj (HUBAZiK) MUS Biełarusi Mikałaj Karpiankoŭ.
Rasijanin 1966 naradžeńnia zatrymany. Mužčyna nidzie nie pracuje. Maje vid na žycharstva ŭ Biełarusi. Zatrymańnie praviali supracoŭniki 10-ha ŭpraŭleńnia HUBAZiK MUS pa miescy žycharstva.
Bojeprypasy i aŭtamat znojdzienyja ŭ aŭtamabili rasijanina ŭ parkinhu. Pa hetym fakcie zaviedzienaja kryminalnaja sprava pa č.2 art.295 «Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ» KK.