Ratavalniki vyciahnuli łasia, jaki pravaliŭsia pad lod FOTA
U Bresckim rajonie na race Lasnoj ratavalniki dastali łasia, jaki pravaliŭsia pad lod, paviedamili ŭ MNS Biełarusi.
Dniom 4 studzienia ŭ Bresckaje abłasnoje UMNS pastupiła paviedamleńnie, što kala vioscy Cierabuń Bresckaha rajona na race Lasnaja ŭ pałonku pravaliŭsia łoś. Niahledziačy na nievialikuju hłybiniu, žyviolina stajała ŭ vadzie i samastojna vybracca na bierah nie mahła.
Da miesca zdareńnia było nakiravanaje padraździaleńnie ratavalnikaŭ-vadałazaŭ pažarnaha avaryjna-vyratavalnaha atrada. Rabotniki MNS u vadałaznych kaściumach pašyryli bienzapiłoj pałonku ŭ bok bieraha i z dapamohaj nakinutaj na rohi vyratavalnaj viaroŭki vyciahnuli łasia. Zatym łoś syšoŭ u bok lasnoha masivu.