Achmatava, Borchies, Bekiet, Moem — nazvanyja supierniki Šołachava za Nobiela ŭ 1965 h.
Šviedskaja karaleŭskaja akademija navuk raskryła imiony pretendentaŭ na Nobieleŭskuju premiju pa litaratury za 1965.
Na atrymańnie premii, uładalnikam jakoj staŭ Michaił Šołachaŭ, vyłučalisia, u liku inšych, Hanna Achmatava, Uładzimir Nabokaŭ, Kanstancin Paŭstoŭski, Chorchie Łuis Borchies, Semiueł Bekiet, Somiersiet Moem, Pabła Neruda i Ezra Paŭnd.
Usiaho ŭ śpisie pretendentaŭ na Nobieleŭskuju premiju pa litaratury za 1965 hod, apublikavanym na sajcie karaleŭskaj akademii, 90 imionaŭ.
Pa dadzienych žurnalistaŭ šviedskaj haziety Svenska Dagbladet, aznajomicca z dakumientami ab vybary łaŭreata Nobieleŭskaj premii za 1965 hod, razhladaŭsia varyjant, pa jakomu ŭznaharoda była b padzielena pamiž Michaiłam Šołachavym i Hannaj Achmatavaj. Adnak suprać takoha varyjantu vystupiŭ kiraŭnik adboračnaha kamiteta Anders Esterlinh.
Kandydatura Šołachava była padtrymana členami Nobieleŭskaha kamiteta adnahałosna.
Imiony pretendentaŭ na Nobieleŭskuju premiju i inšyja dakumienty, jakija tyčacca pracesu adboru łaŭreataŭ, trymajucca ŭ sakrecie na praciahu 50 hadoŭ. Pa skančeńni hetaha terminu dakumienty raskryvajucca dla šyrokaj publiki.