Hidramiet: 2015 hod staŭ samym ciopłym za bolš čym viekavuju historyju mieteanazirańniaŭ
Minuły hod akazaŭsia samym ciopłym za amal 130-hadovuju historyju mieteanazirańniaŭ u Biełarusi, paviedamiŭ 11 studzienia na pres-kanfierencyi ŭ Minsku načalnik słužby hidramietearałahičnaha manitorynhu i fondaŭ dadzienych Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Viktar Mielnik.
«Amal usie miesiacy 2015 hoda, akramia maja i kastryčnika, taksama byli samymi ciopłymi pa klimatyčnaj normie, a zimovy pieryjad staŭ vyklučna ciopłym i zamknuŭ piaciorku samych ciopłych zim z 1881 hoda», — adznačyŭ jon i dadaŭ, što zima minułaha hoda stała na dva miesiacy karaciejšaj za klimatyčnuju normu.
Taksama, pavodle jaho słoŭ, viasna 2015 hoda ŭvajšła ŭ dziasiatku samych ciopłych viasnovych siezonaŭ, a samaja ciopłaja viasna była ŭ 2014 hodzie. Za ŭvieś pieryjad mieteanazirańniaŭ na pieršym miescy pa samaj vysokaj siaredniehadavoj tempieratury — 1989 hod, na druhim — 2008 hod.
Mielnik źviarnuŭ uvahu na toje, što letašniaje zasušlivaje leta pryniesła šerah niespryjalnych nastupstvaŭ dla roznych halin ekanomiki, u pryvatnaści dla sielskaj haspadarki. «U viasnu i leta my ŭvajšli ź nizkimi zapasami vilhaci, jakija jašče bolš skaracilisia ŭ vyniku zasušlivaha nadvorja, — skazaŭ jon. — Za leta ŭ siarednim pa respublicy vypała ŭsiaho 46% klimatyčnaj normy. Takaja małaja kolkaść apadkaŭ adznačana druhi raz paśla leta 1992 hoda».
Na pytańnie pra ŭpłyŭ umoŭ nadvorja ciapierašniaj zimy na azimyja pradstaŭnik Hidramieta adkazaŭ, što rezkaje panižeńnie tempieratury pry adsutnaści śniežnaha pokryva ŭ kancy 2015 hoda mahło stvaryć dla ich pahrozu.
«U pryncypie našy kultury davoli dobra adaptujucca, — skazaŭ jon. — Bolš dakładna skazać, jak pierazimavali azimyja, my zmožam bližej da kanca studzienia, ale, dumaju, što žyta i pšanica vytrymali marazy. Što tyčycca rapsu, to jość tearetyčnaja vierahodnaść paškodžańnia abo navat hibieli pasievaŭ».
U svaju čarhu načalnik Hidramieta Maryja Hiermiančuk adznačyła, što apošnija dva hady pa pryrodnych kataklizmach, uličvajučy hłabalnyja źmieny klimatu i pavyšeńnie tempieratury, u Biełarusi byli adnosna spakojnymi, a ź niebiaśpiečnych źjaŭ možna adznačyć tolki niekalki pažaraniebiaśpiečnych situacyj i vysokija tempieratury vyšej za 35°S.