Na centralnaj płoščy Stambuła adbyŭsia vybuch: jość zahinułyja
abnoŭlena
twitter.com/Haberturk
Vybuch prahrymieŭ na centralnaj płoščy Stambuła Sułtanachmiet. Jak paviedamlajuć tureckija ŚMI, jość zahinułyja i paranienyja, ich kolkaść udakładniajecca.
Vybuch adbyŭsia kala 10-j ranicy pavodle miascovaha času. Vidavočcy kažuć, što čuli hučny chłapok. Da miesca zdareńnia prybyła palicyja i mašyny chutkaj dapamohi. Pryčyny vybuchu pakul nieviadomyja.
Pa papiarednich dadzienych, vybuch byŭ zrobleny śmiarotnikam. Zaraz płošča ačeplenaja palicyjaj.
Płošča Sułtanachmiet źjaŭlajecca adnoj z hałoŭnych turystyčnych zon Stambuła, dzie raźmieščana znakamitaja Błakitnaja miačeć.
U kastryčniku minułaha hoda kala 100 čałaviek zahinuli ŭ vyniku dvuch vybuchaŭ, što prahrymieli na maršy za mir u centry Ankary. Heta byŭ samy kryvavy akt hvałtu, učynieny ŭ Turcyi za mnohija hady.