Ukraina vyrašyła adpraŭlać ciahniki pa mory ŭ abychod Rasii
Ukraina płanuje zapuścić ekśpierymientalny ciahnik pa maršrucie Ukraina—Hruzija—Azierbajdžan—Kazachstan dla dastaŭki ŭkrainskich tavaraŭ u abychod Rasii.
Pra heta padčas pasiadžeńnia Kabinieta ministraŭ zajaviŭ premjer Arsienij Jacaniuk.
Jon paviedamiŭ, što ciapier ministerstva infrastruktury Ukrainy i «Ukrzaliźnicia» pravodziać pasiadžeńni ŭ Baku.
«Na hetym tydni my čakajem, što projdzie pieršy ekśpierymientalny ciahnik pa maršrucie Ukraina—Hruzija—Azierbajdžan—Kazachstan, jaki daść mahčymaść ukrainskaj ekanomicy znajści alternatyŭny šlach pastaŭki tavaraŭ na tyja rynki, jakija zaŭsiody byli ukrainskimi, ale ŭ suviazi z rasijskim tranzitnym embarha nam ciapier składana dastaŭlać tudy tavary», — skazaŭ premjer.
Ministr infrastruktury Ukrainy Andrej Pivavarski, jaki prysutničaŭ na pasiadžeńni ŭrada, paviedamiŭ, što sastaŭ budzie adpraŭleny z horada Iljičoŭsk Adeskaj vobłaści. Dla marskoj častki šlachu — pa Čornym i Kaśpijskim morach — buduć vykarystoŭvacca paromnyja pierapravy.