Minharvykankam maje namier nie dapuskać nieabhruntavany rost cen
Śpiecyjalisty hałoŭnaha ŭpraŭleńnia spažyvieckaha rynku Minharvykankama pradoŭžać štotydniova adsočvać uzrovień roźničnych cen pa asnoŭnych hrupach tavaraŭ z metaj niedapuščeńnia nieabhruntavanaha ich rostu, paviedamili va ŭpraŭleńni.
«U metach vykanańnia daviedzienaha kiraŭnikom dziaržavy ŭzroŭniu inflacyi na 2016 hod — nie bolš za 12% i ŭličvajučy sacyjalnuju značnaść pavyšeńnia cen dla bolšaść nasielnictva krainy, rekamiendavana handlovym arhanizacyjam i vytvorcam Minska bolš hnutka padychodzić da cenavaj palityki z ulikam realnaj ekanamičnaj situacyi, — havorycca ŭ paviedamleńni. — Ceny na tavary pavinny być takimi, kab spažyviec moh ich kupić. Źviernuta ŭvaha kiraŭnikoŭ na vykanańnie najaŭnaha ŭzroŭniu handlovych nadbavak i cen na ŭsie spažyvieckija tavary».
Va ŭpraŭleńni spažyvieckaha rynku nahadali, što z 15 studzienia ŭradam admieniena cenavaje rehulavańnie na sacyjalna značnyja tavary. «Takim čynam, ciapier z charčovych tavaraŭ ceny buduć rehulavacca tolki na śviežyja bulbu, buraki stałovyja, morkvu stałovuju (za vyklučeńniem mytych, adkalibravanych i fasavanych u pierfaryravanyja pakiety i sietkavuju taru z prymianieńniem klipsatara), kapustu biełakačannuju, cybulu repčatuju», — patłumačyli śpiecyjalisty.
Nahadajem, u śniežni byŭ uzmocnieny kantrol za cenami ŭ pieryjad navahodnich śviataŭ. «Nieabchodnaści ŭ maratoryi na rost cen u tym vyhladzie, u jakim my jaho ŭviali letaś, kali my abmiažoŭvali ceny, siońnia niama. Situacyja z cenami stabilnaja, nijakich zavyšeńniaŭ i pieravyšeńniaŭ cen niama», — adznačała na pres-kanfierencyi 16 śniežnia načalnik upraŭleńnia handlu i pasłuh Minharvykankama Nina Jemialjanava.
Pavodle jaje słoŭ, heta adznačałasia i ŭ liście Minhandlu, jaki pastupiŭ u Minharvykankam i ŭ jakim havaryłasia: «Ciapier u cełym situacyja z cenami na spažyvieckim rynku dastatkova stabilnaja».