«Boh daŭ, boh uziaŭ»: u minčuka kanfiskujuć «Falksvahien», jaki jon vyjhraŭ u łatareju
18 studzienia kala 23.00 u milicyju Zasłaŭja pastupiła paviedamleńnie, što ŭ pasiołku Šaršuny Minskaha rajona ŭ aŭtamašynie «Falksvahien» raźbita škło, paviedamili ŭ DAI Minskaha rajona.
Milicyja vyśvietliła, što naviedvalniki łaźni sumiesna pili, pamiž mužčynami ŭźnikła svarka. U vyniku vyśviatleńnia adnosin raźbili bakavoje škło ŭ mašynie. Milicyja aformiła zdareńnie i źjechała.
Paśla padvypiłaja kampanija sieła ŭ «Falksvahien» i skiravałasia ŭ darohu. Kala 0.55 mašynu spyniła DAI. Za rulom byŭ pjany 47-hadovy minčuk, jaki nie mieŭ prava na kiravańnie. Miedaśviedčańnie pakazała, što ŭ jaho kryvi ŭtrymlivajecca 1,15 pramile ałkaholu.
Heta nie pieršy vypadak kali kiroŭca sieŭ za rul pjanym. U dačynieńni da jaho składzieny administracyjnyja pratakoły, aŭtamabil dastaŭleny na achoŭnuju parkoŭku.
Sam ža mužčyna zajaviŭ: «Boh daŭ, boh uziaŭ!» — akazvajecca hety aŭtamabil byŭ vyjhrany ŭ łatareju.