Usie pamiłavanyja ŭ ZŠA ŭ ramkach abmienu źniavolenymi irancy admovilisia viartacca ŭ Iran
Ni adzin ź irancaŭ, vyzvalenych z amierykanskich turmaŭ ŭ chodzie abmienu źniavolenymi, nie zachacieŭ viartacca ŭ Iran.
Pra heta paviedamlaje ABC News sa spasyłkaj na čynoŭnikaŭ, znajomych z chodam pieramovaŭ.
Baki damovilisia, što nakirujuć vypuščanych źniavolenych u Ženievu. Šviejcaryja źjaŭlajecca niejtralnaj krainaj, jakaja na praciahu mnohich hadoŭ dziejničała jak dypłamatyčny pasiarednik pamiž ZŠA i Iranam.
U niadzielu 17 studzienia z vajskovaj bazy ŭ Tehieranie uźlacieŭ šviejcarski samalot, na borcie jakoha byli troje vyzvalenych viaźniaŭ-amierykancaŭ — žurnalist Džejsan Riezajan, były marski piechaciniec Amir Chiekmaci i chryścijanski pastar Sajed Abiedzini.
U toj ža dzień z uschodniaha ŭźbiarežža ZŠA pavinien byŭ adpravicca samalot ź siamiu irana-amierykancami, vypuščanymi z turmy. Ale ni adzin ź ich nie sieŭ na bort. Sam samalot uźlacieŭ, bo ŭ lubym razie pavinien byŭ vykanać rejs, kab pieravieźci vyzvalenych ź Irana z Ženievy ŭ ZŠA.
Šeść ź siami pamiłavanych — asoby z padvojnym hramadzianstvam ZŠA i Irana. Jany byli asudžanyja albo abvinavačvalisia ŭ ździajśnieńni złačynstvaŭ, źviazanych z prodažam vysokatechnałahičnaha abstalavańnia ŭ Iran u abychod embarha.
U svaju čarhu, adzin ź piaci hramadzian ZŠA, vyzvalenych iranskimi ŭładami, Nasratuła Chasravi-Rudsary, vyrašyŭ nie pakidać Iran.
Jašče adzin amierykanski student, raniej zatrymany ŭ Iranie, paśla taho jak byŭ vypuščany, palacieŭ dadomu na kamiercyjnym rejsie.
Pozna ŭviečary ŭ toj ža dzień ZŠA i ES abviaścili ab źniaćci ź Irana sankcyj, nakładzienych z-za jadziernaj prahramy Tehierana. Rašeńnie było pryniata na padstavie zaklučeńnia MAHATE, jakoje paćvierdziła fakt vykanańnia ŭsich patrabavańniaŭ jadziernaj ździełki.