Prajaznyja na hramadski transpart Minska ŭ lutym možna budzie kupić ź luboj daty
Prajaznyja kvitki na hramadski transpart Minska na 10, 15 i 30 dzion možna budzie kupić ź luboj daty ŭ lutym.
Pra heta paviedamiŭ žurnalistam hienieralny dyrektar dziaržaŭnaha pradpryjemstva «Minsktrans» Lavoncij Papianok.
«U druhim kvartale ŭ Minsku płanujecca ŭkaranić prajaznyja na sutki, da kanca hoda — pahadzinnyja prajaznyja», — skazaŭ Lavoncij Papianok.
U ciapierašni čas kupla prajaznych kvitkoŭ abmiežavanaja kalandarnym pieryjadam času: naprykład, prajazny na miesiac sapraŭdny tolki z 1-ha čysła, na paŭmiesiaca — z 1-ha i z 16-ha čysła. U lutym prajaznyja kvitki na 10, 15 i 30 sutak možna budzie nabyvać ź luboj daty (pa žadańni pasažyra) na adzin, dva, try i čatyry vidy transpartu z roznymi ich kambinacyjami. Karystacca ŭdaskanalenymi prajaznymi možna budzie na praciahu apłačanaha pieryjadu času z momantu aktyvacyi bieskantaktavaj smart-karty.