U Niderłandach mužčyny vykazali padtrymku žančynam Kiolna, nadzieŭšy mini-spadnicy
U subotu, 16 studzienia, kala 400 mužčynaŭ prajšlisia pa vulicach Amsterdama ŭ karotkich spadnicach, kab padtrymać achviaraŭ seksualnych damahańniaŭ u Kiolnie.
Arhanizatary akcyi na svajoj staroncy ŭ Facebook zajavili, što zanadta časta ŭ hvałcie nad žančynami abvinavačvajuć samich achviaraŭ.
«Karotkija spadnicy — nie padstava dla hvałtu. Tamu my źmianiajem zvykłyja roli i prasłaŭlajem spadnicy i svabodu, jakuju jany ŭvasablajuć. My demanstrujem našyja vałasatyja kaleni ŭ imia svabodnaha hramadstva, u jakim žančyny mohuć volna chadzić pa vulicach u luby čas dnia i nočy», — paviedamlajuć arhanizatary.
Akcyja ładziłasia, kab padtrymać achviaraŭ napadaŭ u Kiolnie. Tam u navahodniuju noč kala 500 žančyn sutyknulisia z seksualnymi damahańni z boku mihrantaŭ. Apošnim časam padobnaje zdarałasia i ŭ inšych haradach Jeŭrasajuza.