Haradski transpart Minska ŭ marazy budzie chadzić čaściej
«Minsktrans» uzmacniŭ reziervy pasažyrskaha transpartu, paviedamiŭ žurnalistam hienieralny dyrektar pradpryjemstva Lavoncij Papianok.
«U reziervie znachodziacca bolš za 30 adzinak aŭtobusaŭ, tralejbusaŭ i tramvajaŭ. Jany vychodziać na maršruty pry mocnych śniehapadach i nizkich tempieraturach. Heta dazvalaje skaracić intervał ruchu hramadskaha transpartu», - skazaŭ Lavoncij Papianok.
Štodnia pasažyraŭ u Minsku absłuhoŭvajuć kala 1,7 tys. adzinak haradskoha transpartu. Vytvorčaja baza «Minsktransu» naličvaje 1463 aŭtobusy, 995 tralejbusaŭ i 138 tramvajaŭ.