Jeŭraparłamient uchvaliŭ stvareńnie trybunała pa źbitym «Boinhu»
Jeŭrapiejski parłamient 21 studzienia pavitaŭ publikacyju dakłada, jaki Saviet biaśpieki Niderłandaŭ zrabiŭ pra źbity nad ukrainskim Danbasam «Boinh». Akramia taho Jeŭraparłamient svajoj pastanovaj padtrymaŭ stvareńnie mižnarodnaha kryminalnaha trybunała pa rasśledavańni hetaj avijakatastrofy.
Deputaty Jeŭraparłamient zaklikali Rasiju supracoŭničać ź mižnarodnaj supolnaściu dziela rasśledavańnia hetaj avijakatastrofy i pryciahnuć vinavatych da adkaznaści.
Jeŭraparłamientaryi vykazali škadavańnie z nahody taho, što Rasija vyrašyła błakavać rezalucyju ŭ Saviecie Biaśpieki AAN ab stvareńni mižnarodnaha suda pa źbitym «Boinhu».
Avijakatstrofa z małajzijskim samalotam rejsa MH17 adbyłasia 17 lipienia 2014 hoda. Miarkujecca, što jon byŭ źbity rakietaj «ziamla-pavietra». Zahinuli ŭsie 298 čałaviek, jakija znachodzilisia na borcie.