Lidary Kipra spadziajucca na abjadnańnie krainy ŭ 2016 hodzie
Lidary dźviuch častak padzielenaha Kipra aptymistyčna nastrojenyja datyčna pieramovaŭ pra ŭźjadnańnie krainy.
Pra heta jany zajavili na ekanamičnym forumie ŭ Davosie, paviedamlaje Euobserver.
«Ja liču, što 2016 moža stać hodam, u jakim my skončym ź nieprymalnym statusam kvo», — skazaŭ prezident Kipra Nikas Anastasijadzis, jaki kiruje hreckaj častkaj vyspy, što źjaŭlajecca dziaržavaj-siabram Jeŭrapiejskaha Sajuza i jeŭrazony.
Lidar turak-kipryjotaŭ Mustafa Akinčy adznačyŭ, što pieramovy ŭstupili ŭ vyrašalnuju fazu.
«Ja chacieŭ by paćvierdzić ćviorduju rašučaść turak-kipryjotaŭ dasiahnuć damoŭlenaści, što praduhledžvaje fiederacyju z palityčnaj roŭnaściu dvuch zon».
Raniej lidary Kipra ŭpieršyniu z momantu padziełu krainy zapisali sumiesnaje vinšavańnie narodu z nahody Rastva.
Kipr byŭ padzieleny z 1974 hoda, kali tureckija vojski zachapili paŭnočnuju častku krainy ŭ adkaz na aryjentavany na Afiny pieravarot.