Pucin iznoŭ raskrytykavaŭ Lenina za toje, što toj dazvoliŭ stvareńnie Ukrainy i Biełarusi
Prezident Rasii Uładzimir Pucin prakamientavaŭ svajo vykazvańnie na adras Uładzimira Lenina, jakoha na minułym tydni jon abvinavaciŭ u razvale SSCR. Pa słovach prezidenta, toj zakłaŭ minu zapavolenaha dziejańnia pad rasiejskuju dziaržaŭnaść.
«Ja mieŭ na ŭvazie dyskusiju pamiž Stalinym i Leninym z nahody taho, jak budavać novuju dziaržavu — Saviecki Sajuz», — rastłumačyŭ Pucin na forumie Ahulnarasijskaha narodnaha frontu.
Kiraŭnik dziaržavy nahadaŭ, što Stalin sfarmulavaŭ ideju aŭtanamizacyi SSSR, u adpaviednaści ź jakoj «subjekty budučaj dziaržavy pavinny byli ŭvajści ŭ SSSR na asnovie aŭtanomii z šyrokimi paŭnamoctvami» [jak potym u składzie Rasii byli, naprykład, Komi ASSR, pavołžskija respubliki, Lenin prapanavaŭ, kab byli asobnyja BSSR, USSR i h.d. — NN]. Pry hetym Lenin paličyŭ jaje niapravilnaj, patłumačyŭ Pucin.
Pa słovach prezidenta, Lenin vystupaŭ za toje, kab SSSR utvaryŭsia na asnovie poŭnaha raŭnapraŭja z pravam vychadu z sajuza. «Pry hetym miežy vyznačalisia zusim advolna i daloka nie zaŭsiody abhruntavana. Na Ukrainu, naprykład, Danbas pieradali. Ź jakoj padstavaj: pavyšeńnie adsotka praletaryjatu na Ukrainie dla taho, kab mieć tam vialikuju sacyjalnuju padtrymku. Heta žach niejki», — zajaviŭ Pucin.
Kiraŭnik rasijskaj dziaržavy adznačyŭ, što pazicyja Lenina pa dziaržpabudovie naroŭni ź nieefiektyŭnaj ekanamičnaj i sacyjalnaj palitykaj pryviała da raspadu SSSR. «Heta i jość mina zapavolenaha dziejańnia. A što ž heta inakš? Mienavita tak jano i jość», — kanstatavaŭ rasijski lidar, padkreśliŭšy, što nieabchodna staranna analizavać «usio, što było ŭ raniejšyja časy».
«Nielha adno: mazać čornaj farbaj ŭsio, što było ŭ minułym, abo ŭ viasiołkavych tanach hladzieć na toje, što adbyvajecca siońnia», — skazaŭ na zakančeńnie Pucin.