Biełaruś i Tajłand abmiarkoŭvajuć mahčymaść spraščeńnia vizavaha režymu
Jak paviedamili ŭ pres-słužbie MZS Biełarusi, heta tema zakranałasia siońnia na sustrečy ŭ Banhkoku Nadzvyčajnaha i Paŭnamocnaha Pasła Biełarusi ŭ Sacyjalistyčnaj Respublicy Vjetnam i Karaleŭstvie Tajłand pa sumiaščalnictvie Valeryja Sadochi z namieśnikam ministra zamiežnych spraŭ Tajłanda Virasakdzi Futrakułam.
Baki abmierkavali aktualnyja pytańni dvuchbakovaha supracoŭnictva ŭ palityčnaj, handlova-ekanamičnaj i humanitarnaj śfierach, uklučajučy abmien vizitami delehacyj, dalejšaje pašyreńnie dahavorna-pravavoj bazy, zaviaršeńnie pracedur uzajemnaha naznačeńnia hanarovych konsułaŭ. Na sustrečy razhledžany taksama pytańni, źviazanyja z zasnavańniem mižuradavaj kamisii pa handlova-ekanamičnym supracoŭnictvie.
U čas razmovy adbyŭsia taksama zacikaŭleny abmien dumkami pa klučavych pytańniach rehijanalnaha i mižnarodnaha paradku dnia.