Šviecyja departuje pałovu mihrantaŭ
Ministr unutranych spraŭ Šviecyi Anders Ihieman zajaviŭ, što ŭłady krainy majuć namier departavać kala 80 tysiač asob, jakija pretendavali na status biežanca, ale jakim u hetym było admoŭlena.
Pa słovach ministra, dla departacyi buduć zafrachtavany čartarnyja avijarejsy, i na hetuju apieracyju pojdzie niekalki hadoŭ.
U 2015 hodzie 163 tysiačy čałaviek paprasili prytułku ŭ Šviecyi. Na dadzieny momant było razhledžana 58 800 prašeńniaŭ, 55% ź ich byli ŭchvaleny.
U pačatku studzienia Šviecyja ŭviała časovuju pravierku dakumientaŭ na miažy z Danijaj. Zaraz usie prybyvajučyja na aŭtobusach, ciahnikach i sudach z poŭdnia nie zmohuć trapić u Šviecyju biez adpaviednych dazvołaŭ.
Šerah členaŭ urada miarkuje, što vialiki prytok ludziej za karotkija pramiežki času moža ŭjaŭlać pahrozu dla nacyjanalnaj biaśpieki i hramadskaha paradku.
Pravaabaroncy, sa svajho boku, aścierahajucca, što Stakholm stanovicca hłuchi da čakańniaŭ biežancaŭ.
Taksama, pa dadzienych uładaŭ krainy, raście kolkaść dziaciej, jakija prybyvajuć u Šviecyju biez supravadžeńnia darosłych, i heta surjozna pavialičvaje nahruzku na sacyjalnyja słužby.
Jak kažuć u mihracyjnym viedamstvie, tolki za minuły hod u karaleŭstva prybyło 33.000 niepaŭnaletnich.