8-hadovy chłopčyk nie sastupiŭ miesca pjanamu — toj razzłavaŭsia i parezaŭ nažom tvar jaho maci
U sudzie Navabielickaha rajona Homiela pačaŭsia sud nad mužčynam, jaki napadpitku źniaviečyŭ žančynu ŭ aŭtobusie «Homiel — Cahielnia».
Incydent adbyŭsia ŭ kastryčniku minułaha hoda. U aŭtobusie 56-hadovy mužčyna, jaki byŭ mocna pjany, pačaŭ čaplacca da 8-hadovaha chłopčyka, patrabujučy, kab toj sastupiŭ jamu miesca. Za chłopčyka ŭstupiłasia maci — i atrymała ŭdar u tvar. Adnak hetaha pjanamu pasažyru nie chapiła, jon dastaŭ ścizoryk i paraniŭ tvar žančyny. U hety momant na prypynku adčynilisia dźviery aŭtobusa, i mužčyna vybieh z sałona. Nieŭzabavie jon byŭ zatrymany milicyjaj i aryštavany.
Svaje dziejańni padazravany tłumačyŭ vialikaj kolkaściu vypitaha - maŭlaŭ, harełka va ŭsim vinavataja. Abvinavačanamu inkryminujecca pahroza zabojstvam i naŭmysnaje pryčynieńnie ciažkaha cialesnaha paškodžańnia z chulihanskich mierkavańniaŭ. Mužčyna moža atrymać da 10 hadoŭ pazbaŭleńnia voli.