Stvorany arhkamitet pa śviatkavańni Dnia Voli
Kiraŭniki Partyi BNF, ruchu «Za Svabodu», Abjadnanaj hramadzianskaj partyi i arhkamiteta pa stvareńni partyi «Biełaruskaja chryścijanskaja demakratyja» 28 studzienia pryniali rašeńnie ab stvareńni arhanizacyjnaha kamiteta pa śviatkavańni 25 sakavika Dnia Voli.
«25 sakavika źjaŭlajecca najbolš važnaj dataj u historyi sučasnaj Biełarusi, jana abjadnoŭvaje ŭsich biełarusaŭ, addanych ideałam BNR, niezaležna ad uzrostu, palityčnych pohladaŭ i partyjnaj prynaležnaści, — havorycca ŭ paviedamleńni arhkamiteta. — Tamu my zaklikajem usie zacikaŭlenyja palityčnyja i hramadskija arhanizacyi i inicyjatyvy delehavać svaich pradstaŭnikoŭ u skład arhkamiteta i ŭziać aktyŭny ŭdzieł u padrychtoŭcy i praviadzieńni mierapryjemstvaŭ pa śviatkavańni Dnia Voli 25 sakavika».
Pieršaje pasiadžeńnie arhkamiteta adbudziecca 3 lutaha ŭ štab-kvatery Partyi BNF.
Apazicyja tradycyjna 25 sakavika pravodzić u Minsku šeście i mitynh.