Prakuratura Bierlina: Sprava dziaŭčynki Lizy raskrytaja
U noč «vykradańnia» 13-hadovaja dziaŭčynka chavałasia ad baćkoŭ u domie svajho siabra «z-za prablem u škole». Sprava raskrytaja, paviedamiŭ pradstaŭnik bierlinskaj prakuratury.
Sprava 13-hadovaj Lizy ź Bierlina raskrytaja, paviedamiŭ u piatnicu, 29 studzienia, pradstaŭnik haradskoj prakuratury Marcin Šteltnier. Pavodle jaho słoŭ, na praciahu 30 hadzin adsutnaści dziaŭčynki nie byli ździejśnienyja «ni zhvałtavańnie, ni naohuł jakija-niebudź seksualnyja dziejańni». Šteltnier dadaŭ taksama, što vyśvietlić usie abstaviny hetaj historyi atrymałasia na padstavie bilinhu sotavaha telefona Lizy.
Zhodna ź infarmacyjaj haziety Bild, 19-hadovy siabar Lizy i jaho maci paviedamili śledstvu, što ŭ noč «źniknieńnia» 11 studzienia dziaŭčynka chavałasia ŭ ich doma ad baćkoŭ. Napiaredadni ich vyklikali ŭ škołu, kab paviedamić pra prablemy dački z vučobaj.
«My vyjšli na 19-hadovaha junaka i dapytali jaho. U jaho kvatery znachodzilisia rečy Lizy», — paviedamiŭ žurnalistam pradstaŭnik prakuratury. Pavodle źviestak, atrymanych u znajomych, jakija prytulili Lizu, dziaŭčynka sama paprasiłasia pieranačavać u ich paśla taho, jak baćkoŭ vyklikali ŭ škołu.
U prakuratury paviedamili taksama, što rasśledavańnie ŭ dačynieńni da dvuch mužčyn tureckaha pachodžańnia ŭ suviazi z padazreńniami ŭ seksualnym hvałcie ŭ adnosinach da dziciaci praciahvajecca. Ich padazrajuć u tym, što jany mieli seksualnyja suviazi ź Lizaj da jaje źniknieńnia 11 studzienia. Śledstva miarkuje, što da taho momantu dziaŭčynka była znajomaja z mužčynami ŭžo niekalki miesiacaŭ.