Turcyja pryviała avijacyju ŭ poŭnuju bajavuju hatoŭnaść
Zaraz piłoty mohuć prymać rašeńni biez uzhadnieńnia z načalstvam.
Na taki krok Ankara pajšła paśla taho, jak rasijski samalot parušyŭ pavietranuju prastoru Turcyi na siryjska-tureckaj miažy.
Parušeńnie pavietranaj prastory Turcyi paćvierdzili ZŠA na asnovie dadzienych ułasnych radaraŭ.
Učora Ankara ŭručyła notu pratestu pasłu Rasii ŭ Turcyi. Maskva abviarhaje fakt parušeńnia tureckaj miažy.
Adnosiny Turcyi i Rasii zastajucca naciahnutymi paśla taho, jak turki źbili rasijski šturmavik, jaki zalacieŭ u tureckuju pavietranuju prastoru. Kreml adkazaŭ antytureckaj kampanijaj u ŚMI, zabaronaj na dziejnaść tureckaha biznesu ŭ Rasii i paloty rasijskich turystaŭ u Turcyi.