Dyrektar-karupcyjanier z «Mahiloŭdreva» vyzvaleny z kałonii i pryznačany kiraŭnikom inšaha mahiloŭskaha zavoda
Były dyrektar AAT «Mahiloŭdreŭ» Andrej Usaŭ daterminova vyjšaŭ na svabodu i pryznačany vykanaŭčym dyrektaram AAT «Mahiloŭski zavod «Strommašyna».
1 lipienia 2014 hoda Usaŭ byŭ asudžany na vosiem hadoŭ pazbaŭleńnia voli za złoŭžyvańnie słužbovymi paŭnamoctvami, słužbovy padłoh, kradziažy i pryčynieńnie škody ŭ bujnym pamiery. Pra toje, što jon vyzvaleny daterminova i pryznačany vykanaŭčym dyrektaram pa vytvorčaści «Strommaša», stała viadoma 2 lutaha. U pryjomnaj pradpryjemstva paviedamili, što siońnia rychtujuć kabiniet dla novaha kiraŭnika, staviać pracoŭny telefon.