Rasijski pasoł mieŭ hutarku z kiraŭnikom MZS Polščy
4 lutaha pasoł Rasii ŭ Polščy Siarhiej Andrejeŭ naviedaŭ ministra zamiežnych spraŭ Polščy Vitolda Vaščykoŭskaha. Pa słovach kiraŭnika polskaj dypłamatyi, rasiejski ambasadar «pryjšoŭ, kab pavinšavać MZS Polščy z Novym hodam».
Sustreča ministra Vaščykoŭskaha i pasła Andrejeva adbyłasia pa prośbie rasijskaha pasła. Paśla sustrečy ministr zamiežnych spraŭ Polščy raskazaŭ, što razmova z rasijskim dypłamatam doŭžyłasia 3-4 chviliny.
«Spadar pasoł pryjšoŭ, kab pažadać usiaho dobraha ŭ Novym hodzie. Ja vykarystaŭ hetuju mahčymaść i nahadaŭ jamu, što praciahvajucca pieramovy z nahody prablem polskich i rasijskich pieravozčykaŭ. Taksama ja vykazaŭ nadzieju na toje, što pieramovy skončacca stanoŭčym vynikam, bo, u advarotnym vypadku, na hetym zhubiać abodva baki», — skazaŭ ministr Vaščykoŭski.
«Spadar pasoł nie zakranuŭ nivodnaj z tych temaŭ, jakija my ŭźnimali ŭ Maskvie (havorka idzie pra sustreču na ŭzroŭni namieśnikaŭ ministraŭ zamiežnych spravaŭ Polščy i Rasii 22 studzienia). My nie razmaŭlali ni pra Smalenskuju katastrofu, ni pra viartańnie abłomkaŭ borta Tu-154M», — dadaŭ kiraŭnik MZS Polščy