Biełaruś naviedaje palityčny dyrektar MZS FRH Andreas Michaelis
Palityčny dyrektar MZS Hiermanii Andreas Michaelis 9—10 lutaha naviedaje Biełaruś ź vizitam.
Jak paviedamiŭ 4 lutaha na bryfinhu ŭ Minsku pres-sakratar MZS Biełarusi Dźmitryj Mirončyk, zapłanavanyja sustrečy Andreasa Michaelisa ź ministram zamiežnych spraŭ Biełarusi Uładzimiram Makiejem i jaho namieśnikam Alenaj Kupčynoj. «Padčas pieramoŭ płanujecca abmierkavać aktualnyja pytańni biełaruska-hiermanskaha supracoŭnictva, taksama adnosiny Biełarusi ź Jeŭrasajuzam», — skazaŭ Mirončyk.
U hetyja ž dni Minsk naviedajuć pradstaŭniki MZS Aŭstryi i Vialikabrytanii. Vizity zachodniejeŭrapiejskich palitykaŭ projduć napiaredadni pasiadžeńnia Rady Jeŭrasajuza ŭ zamiežnych spravach, jakoje adbudziecca 15 lutaha ŭ Brusieli. U paradak dnia pasiadžeńnia ŭklučanaje pytańnie pa Biełarusi.
Nahadajem, da kanca lutaha ES pavinien vyznačycca z abmiežavalnymi mierami ŭ dačynieńni da Biełarusi. Zaraz dziejničaje rašeńnie ab prypynieńni sankcyj suprać 171 fizičnaha i 10 jurydyčnych asob Biełarusi, pryniataje Jeŭrasajuzam 31 kastryčnika 2015 hoda na čatyry miesiacy. Aficyjnyja pradstaŭniki Biełarusi nieadnarazova zajaŭlali, što ŭ Minsku raźličvajuć na poŭnuju admienu sankcyj.