Previentyŭny nahlad za Aŭtuchovičam spynieny
Vaŭkavyski rajonny sud pryniaŭ rašeńnie ab spynieńni previentyŭnaha nahladu nad Mikałajem Aŭtuchovičam.
Pad previentyŭnym nahladam Mikałaj Aŭtuchovič znachodziŭsia 22 miesiacy. Siońnia Vaŭkavyski rajonny sud pryniaŭ kančatkovaje rašeńnie ab jahonaj svabodzie, i 8 lutaha a 24-j hadzinie previentyŭny nahlad skančajecca.
«U mianie nie było nivodnaha parušeńnia, jakoje b mahło stać padstavaj dla praciahnieńnia terminu previentyŭnaha nahladu. Tym nie mienš i ŭpeŭnienaści nie było nijakaj, što sud prymie rašeńnie na maju karyść. Sudździa vielmi padrabiazna cikaviŭsia i ŭ pradstaŭnika milicyi, i ŭ prakurora — ci nie mieŭ ja choć jakich parušeńniaŭ za hety termin, spraŭdžvaŭ usie dakumienty. Urešcie prakuror skazaŭ, što parušeńniaŭ niama i varta nie praciahvać previentyŭny nahlad», — skazaŭ eks-palitviazień u intervju Radyjo Svaboda.