MZS RF abvinavaciŭ Rumyniju: My pamiatajem, na čyim baku vajavała rumynskaja armija
Ministerstva zamiežnych spraŭ RF vystupiła z čarhovaj porcyjaj abvinavačvańniaŭ u sprobach pierahledzieć historyju druhoj suśvietnaj vajny, na hety raz — u dačynieńni da Rumynii.
Adpaviedny kamientar aficyjnaha pradstaŭnika MZS Rasii Maryi Zacharavaj raźmieščany na sajcie viedamstva.
Pryčynaj niezadavolenaści MZS RF stali «vielmi ścipłyja» mierapryjemstvy z nahody Mižnarodnaha dnia pamiaci achviaraŭ Chałakostu, arhanizavanyja ŭ Buchareście.
Rasijskija dypłamaty adznačajuć, što jany «supravadžalisia praviadzieńniem afarbavanaj ŭ adkryta antysavieckija i antyrasiejskija tony rezanansnaj vystavy, pryśviečanaj departacyi transilvanskich niemcaŭ u SSSR u 1945 hodzie. Hałoŭny akcent byŭ zrobleny na asudžeńni «žorstkich, biesčałaviečnych» dziejańniaŭ «savieckich akupacyjnych vojskaŭ» u dačynieńni da biaźvinnych niemcaŭ».
«Kamu, jak nie ciapierašniamu prezidentu Rumynii — etničnamu niemcu Jachanisu, viedać hetyja staronki niadaŭniaha minułaha svajoj krainy», — iranizuje Zacharava.
«I jašče. U dni hadaviny kapitulacyi hitleraŭcaŭ pad Stalinhradam my dobra pamiatajem, na čyim baku vajavała rumynskaja armija», — zaviaršajecca aficyjny kamientar MZS RF.