Narviehija padoŭžyła termin dziejańnia mier pahrankantrolu da 15 sakavika
Urad Narviehii pryniaŭ rašeńnie padoŭžyć termin dziejańnia ŭviedzienych 26 listapada mier pahrankantrolu na miežach karaleŭstva ź inšymi krainami šenhienskaj zony na dadatkovyja 30 dzion — da 15 sakavika. Pra heta zajaviŭ siońnia ministr justycyi krainy Anders Anundsen.
«Uviedzienyja miery dajuć dobry previentyŭny efiekt, i ŭ nas jość padstavy mierkavać, što mnohija prośbity prytułku admoviacca ad sprobaŭ trapić u Narviehiju praz adnaŭleńnie režymu pahrankantrolu», — adznačyŭ Anundsen, dadaŭšy pry hetym, što pravierki na miežach nie dastaŭlajuć značnych niazručnaściaŭ hramadzianam krain — siabraŭ šenhienskaj zony.
Pavodle jaho słoŭ, «cisk na źniešnija miežy šenhiena zachoŭvajecca», i mnohija mihranty pa-raniejšamu imknucca trapić u dziaržavy Skandynavii, kab padać tam prašeńnie ab prytułku. «Pa hetaj pryčynie Narviehii pa-raniejšamu nieabchodna kantralavać svaje miežy», — padkreśliŭ kiraŭnik Miniusta.
Z kanca listapada dakumienty pačali praviarać u tych, chto adpraŭlajecca ŭ Narviehiju na paromach z Danii, Hiermanii i Šviecyi. Pravierki taksama ažyćciaŭlajucca na važniejšych punktach propusku praz narviežska-šviedskuju suchaputnuju miažu — u pieršuju čarhu na Śviniesundskim moście. Uviadzieńnie mier pahrankantrolu ŭ aeraportach i na inšych učastkach narviežska-šviedskaj miažy pakul nie płanujecca, adnak i nie vyklučajecca ŭradam.
Lik prašeńniaŭ ab pradastaŭleńni prytułku, padadzienych u Narviehii ŭ 2015 hodzie, składaje biez małoha 31 tys., tady jak u apošnija niekalki hadoŭ lik ŭciekačoŭ nie pieravyšaŭ 10 tys. čałaviek u hod. Pavodle acenak urada, u 2016 hodzie hetaja ličba, imavierna, dasiahnie 33 tys., adnak moža akazacca i istotna bolšaj.