Rasiejskaja śpiavačka Iryna Alehrava pradaje dom za 12 miljonaŭ dalaraŭ + FOTY interjeru
Pra toje, što śpiavačka Iryna Alehrava vyrašyła raźvitacca z asabniakom ŭ padmaskoŭnym pasiołku «Saviecki piśmieńnik», stała viadoma jašče ŭ 2014-m. Artystka ŭkłała šmat hrošaj i sił, kab pabudavać «pałac impieratrycy». Ale ciapier dla jaje adnoj dom zanadta vialiki. I padatak — taksama.
Pieršapačatkovaja cana doma była 483 młn rasijskich rubloŭ - 12 miljonaŭ dalaraŭ. Paśla padzieńnia rasijskaha rubla cana ŭ valucie zastałasia ŭsio toj ža, a ŭ rasijskich vyrasła amal da miljarda.
Na ryełtarskim sajcie country.realtor.ru vykładzienyja fota doma.
Papraŭki maskoŭskaha ŭrada ŭ zakonaprajekt ab spahnańni padatku na nieruchomaść nie z kadastravaj, a z rynkavaj cany žylla prymusili mnohich uładalnikaŭ elitnaj nieruchomaści mocna zadumacca. Za apartamienty i asabniaki z druhoj pałovy 2016 hoda pryjdziecca płacić 2% ad rynkavaj cany abjekta. U vypadku Alehravoj - heta amal 10 miljonaŭ rasijskich rubloŭ u hod.
Dom śpiavački znachodzicca ŭ pasiołku «Saviecki piśmieńnik», u 15 km ad MKAD. Dom - heta 2 tysiačy kvadratnych mietraŭ. Jašče na 50 sotkach artystka pabudavała niekalki damoŭ dla haściej i prysłuhi.
Ryełtary tak apisvajuć dom: «Na pieršym paviersie choł, harderobny pakoj, kuchnia, stałovaja, kaminnaja zała, haścioŭnia z vychadam na letniuju vierandu, kabiniet, vanny pakoj, spalnia dla haściej, vanny pakoj, spalnia z vannaj i harderobnymi pakojami, SPA-zona, basiejn, łaźnia, pakoj adpačynku, haspadarčy błok, pralnia, pamiaškańni techničnaha i bytavoha pryznačeńnia».
Druhii pavierch: kuchnia-stałovaja, kabiniet, spalnia z vannaj i harderobnymi pakojami, dźvie dziciačyja spalni z vannymi pakojami, harderobnaja, chatniaja kinazała, kabiniet».
Usiu meblu ź ciomnaha dreva Iryna asabista zakazvała ŭ Italii. Abstanoŭka - całkam jaje dyzajnierski prajekt. Pa susiedstvie žyvuć chakieist Siarhiej Makaraŭ, bard Aleh Miciajeŭ, aktrysa Natalla Sielaźniova, piśmieńnik Hienrych Baravik. Na dumku ryełtara, jaki zajmajecca prodažam doma Alehravoj, cana adpaviadaje jakaści.
Sama Alehrava addaje pieravahu pravodzić volny ad hastrolaŭ čas u Italii, dzie kupiła dom.