Tysiačy kitajcaŭ pierasielać praz budaŭnictva najbujniejšaha ŭ śviecie teleskopa
Amal 10 tysiač čałaviek u kitajskaj pravincyi Hujčžoŭ buduć vymušanyja pakinuć svaje damy praz budaŭnictva ŭ hetym rajonie samaha vialikaha ŭ śviecie radyjoteleskopa.
AFP
Na praciahu paŭhoda žycharoŭ pierasielać u inšyja rajony pravincyi. Pavodle paviedamleńniaŭ kitajskich uładaŭ, heta robicca dla taho, kab žychary nie stvarali pieraškod dla pracy radyjoteleskopa.
Jak paviedamiła hrupa navukoŭcaŭ, jakija ŭdzielničajuć u realizacyi hetaha prajekta, asnoŭnaja meta budaŭnictva novaha astranamičnaha instrumienta — pošuk śladoŭ razumnaha žyćcia ŭ Suśviecie. Mantaž teleskopa pačaŭsia letam minułaha hoda.
Ciapier samy vialiki teleskop u śviecie znachodziacca ŭ Puerta-Ryka, jaho dyjamietr składaje 305 mietraŭ. Kitaj paviedamiŭ, što dyjamietr novaha teleskopa składzie 500 mietraŭ.