U Pakistanie ekstremisty ŭzarvali škołu dla dziaŭčat
Na paŭnočnym zachadzie Pakistana ŭ rajonie Paŭnočny Vazirystan (terytoryja «zony plamionaŭ») ekstremisty ŭzarvali budynak pačatkovaj škoły dla dziaŭčynak, raźmieščanaj u akruzie Ciarza. Jak paviedamiła hazieta The Express Tribune, u vyniku incydentu nichto nie paciarpieŭ.
Vybuch adbyŭsia ŭnačy, kali ŭ škole nikoha nie było. Adkaznaść za napad uziała na siabie hrupoŭka pakistanskich ekstremistaŭ-talibaŭ «Techryk-i-taliban Pakistan».
Padobnyja vyłazki ekstremistaŭ u pakistanskaj «zonie plamionaŭ» (rehijon na paŭnočnym zachadzie Pakistana) nie redkaść. Isłamisty ličać śvieckuju adukacyju antyisłamskaj.