Parkoŭki ŭ minskich dvarach mohuć stać płatnymi
Jość dva sposaby zakryć minskija dvary dla parkoŭki aŭtamabilaŭ, zajaviŭ na pres-kanfierencyi 24 lutaha hałoŭny inžynier HA «Haražy, aŭtastajanki i parkoŭki» Piatro Prudnikaŭ, adkazvajučy na pytańnie ab techničnych mahčymaściach zakryćcia dvaroŭ.
Nahadajem, pra płany staličnych uładaŭ pa zakryćci dvaroŭ dla parkoŭki transpartu paviedamiŭ 4 lutaha na pres-kanfierencyi staršynia Minharvykankama Andrej Šorac. «U Minsku niama prablem z parkoŭkami, u Minsku jość prablema z parkoŭkami kala chat. I hetuju prablemu my nikoli nie vyrašym. Niemahčyma pabudavać parkoŭki la kožnaha padjezda», — adznačyŭ Šorac. «Ciapier my prapracoŭvajem pytańnie pa ŭviadzieńni adkaznaści za niavypłatu za parkoŭku. Pastupova my budziem pašyrać centr horada — rabić parkoŭki płatnymi. I takim čynam my pasprabujem prybrać mašyny z centra. Paralelna budziem vyrašać, jakim čynam zakryć dvary dla parkoŭki ŭ takoj kolkaści. Ale heta chutka nie zrobiš. Treba vyrašyć šmat pravavych pytańniaŭ. Ale treba jašče źmianiać śviadomaść, psichałohiju, a heta chutka nie atrymlivajecca», — adznačyŭ kiraŭnik harvykankama.
Pavodle słoŭ Prudnikava, dvary možna zakryć, ustalavaŭšy šłahbaŭmy, albo uvioŭšy płatu za parkoŭku. «Nie viedaju, jakim šlacham my pojdziem, ale vyrašać prablemu treba», — skazaŭ Prudnikaŭ.
Pavodle jaho słoŭ, technična vyrašyć pytańnie pa vyznačeńni, ci žyvie čałaviek u hetym domie, prosta. «Žychar moža mieć rezidentnyja adnosiny. Naprykład, jon budzie płacić adzin hadavy płaciež — 100—200 tys. rubloŭ i budzie ŭniesieny ŭ bazu, usie astatnija pry parkoŭcy ŭ dvary buduć źjaŭlacca parušalnikami», — rastłumačyŭ hałoŭny inžynier.
Na jaho dumku, siońniašniaje zakanadaŭstva nie daje mahčymaści chutka vyrašać pytańnie pa ŭstanoŭcy šłahbaŭmaŭ. «Ci buduješ ty chmaračos abo šłahbaŭm — nabor dakumientaŭ amal adnolkavy. My prapanujem razhladać hetyja pytańni ŭ sproščanym paradku, ale rašeńnia pakul niama. Ale, jak pakazvaje vopyt tavarystvaŭ ułaśnikaŭ, možna vyrašać i prablemy dostupu, u tym liku śpiecaŭtamabilaŭ. Jość sistemy, kali možna i z sotavaha telefona adkryć šłahbaŭm. Nieabchodna pryniać rašeńnie z punktu hledžańnia horadabudaŭničaj palityki», — ličyć Prudnikaŭ.
Taksama jon paviedamiŭ, što sioleta ŭ Minsku ź`iavicca jašče adna płoskasnaja stajanka dla aŭtamabilaŭ na 179 miescaŭ u rajonie vulicy Čyhunačnaj.
Pavodle jaho słoŭ, tut raźvivajecca žyłaja zabudova mikrarajona Hrušaŭka, tamu parkovačnych miescaŭ niestaje.
Aprača taho, paviedamiŭ Prudnikaŭ, rajonnym administracyjam dali daručeńnie ab budaŭnictvie aŭtastajanak pry ŭźviadzieńni administracyjnych i handlovych ab`iektaŭ.
Razam z tym, zaznačyŭ jon, zhodna ź letašnim manitorynham, u parkinhach vykarystoŭvajecca pa pryznačeńni tolki 50% miescaŭ. Astatnija zajmajuć abjekty handlu, zabavy (kartynh-kłub). «Byccam by jość miescy, ale jany nie karystajucca popytam. Kali jość alternatyva: płatna abo biaspłatna, zaŭsiody vybar na karyść biaspłatnaj parkoŭki», — adznačyŭ śpiecyjalist.
Jon paviedamiŭ, što z 2009 hoda ŭ Minsku było pabudavana 52 stajanki, siońnia ŭ padparadkavańni abjadnańnia znachodzicca 106 na 27 tys. miescaŭ. «Razam z tym nie ŭsie hetyja miescy zaniatyja, pastajanna zaniata kala 4 tys. miescaŭ. Dynamika za minuły hod pakazała: kolkaść volnych miescaŭ pavialičyłasia na 1 tys. Heta źviazana z tym, što bolšaść aŭtaamataraŭ ličać nieabchodnym parkavać aŭtamabil pobač z pad`iezdam, choć stajanka znachodzicca za niekalki prypynkaŭ na hramadskim transparcie abo navat u krokavaj dastupnaści», — adznačyŭ Prudnikaŭ.
Nie vykarystoŭvajucca ŭ poŭnaj miery i pierachaplalnyja stajanki. Jany stvarajucca dla aŭtaŭładalnikaŭ, jakija pryjazdžajuć u horad na asabistych aŭtamabilach, ale ličać za lepšaje pieramiaščacca pa im na hramadskim transparcie. Taryf dla ich składaje 500 rubloŭ za hadzinu. «U siarednim usiaho dva čałavieki na tydzień karystajucca takimi stajankami. Jak pakazali apytańni, u asnoŭnym heta hramadzianie, jakija drenna aryjentujucca ŭ Minsku, kali znachodziacca za rulom», — zaznačyŭ Prudnikaŭ.