Pad Baranavičami pjany pasažyr «adstrelvaŭsia» pačkam soku i sprabavaŭ zadušyć taksista
U Baranavickim rajonie pasažyr taksi sprabavaŭ zadušyć kiroŭcu.
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, heta zdaryłasia 20 lutaha prykładna ŭ šeść ranicy pry padjeździe da vioski Rusino, kudy 34-hadovy mužčyna viartaŭsia dadomu na taksi paśla raśpivańnia ŭ adnym z baraŭ u Baranavičach śpirtnych napojaŭ. Viaskoŭcu vyklikaŭ taksi jaho znajomy i apłaciŭ prajezd.
Niedaloka ad vioski Rusino pasažyr zapatrabavaŭ kiroŭcu spynicca, zajaviŭ, što ŭ ich stralajuć, i, vykarystoŭvajučy pačak soku, pačaŭ adstrelvacca ź jaho, jak z aŭtamata. Zatym mužčyna schapiŭ kiroŭcu i staŭ jaho dušyć.
U hety momant padjechali kalehi taksista i spynili dziejańni złamyśnika.
Da hetaha incydentu 26-hadovy taksist nacisnuŭ tryvožnuju knopku, bo bajaŭsia supraćpraŭnych dziejańniaŭ z boku pasažyra. U chodzie pajezdki toj patrabavaŭ spynicca i prapanoŭvaŭ kiroŭcu pabicca.
23 lutaha Baranavickim mižrajonnym adździełam Śledčaha kamiteta ŭ dačynieńni da 34-hadovaha žychara vioski Rusino, pracoŭnaha adnoj z arhanizacyj, raspačata sprava pa č. 1 art. 339 KK (chulihanstva). Raniej jon pryciahvaŭsia da kryminalnaj adkaznaści za rabavańnie i kradziež.