Čarhovy tydzień biełaruskaj kuchni ŭ Minsku — 7—13 sakavika
Tydzień biełaruskaj kuchni projdzie ŭ Minsku ŭ dziaviaty raz z 7 pa 13 sakavika. Takaja infarmacyja raźmieščana na sajcie Minharvykankama.
kamyanitsa.by
U kulinarnaj akcyi voźmuć udzieł 100 abjektaŭ hramadskaha charčavańnia. Naviednikam prapanujuć piać straŭ nacyjanalnaj kuchni: studzień z chrenam, salanku šlachieckuju, kručoniki sa śvininy z hračanaj kašaj i hrybami, bliny ź viaskovaj smažaninaj, husty žuravinavy kisiel ź bitymi viarškami.
Tradycyjna va ŭsich 100 ustanovach pieralik straŭ, ceny, receptury i technałohija pryhatavańnia buduć adnolkavymi. Mieniu raspracavana pry ŭdziele šef-kucharaŭ kafe i restaranaŭ biełaruskaj nacyjanalnaj kuchni.