U 2016 hodzie ŭ Frunzienskim rajonie Minska źjavicca teatr
Bolš za paŭhoda tamu kiraŭnik administracyi Frunzienskaha raspavioŭ karespandentu ahienctva «Minsk-Naviny», što ŭ rajonie chutka źjavicca svoj teatr. Jaki los hetaha prajekta?
Prajekt žyvy i rychtujecca da realizacyi, zapeŭnili ŭ administracyi Frunzienskaha rajona. Praŭda, z-za finansavych prablem, jakija siońnia adčuvajuć mnohija kampanii, jaho ažyćciaŭleńnie adkładajecca prykładna da vosieni. Jak raspaviała načalnik upraŭleńnia architektury i budaŭnictva administracyi Frunzienskaha rajona Taćciana Varabjova sa spasyłkaj na arhanizacyju, jakaja realizuje hety prajekt, teatr-kłub na vuł. Cimirazieva niedaloka ad jaje pierasiačeńnia z Tučynskim zavułkam adkryjecca prykładna ŭ trecim kvartale.
Pieršyja śpiektakli ŭ novaj zale, raźličanaj na 350 miescaŭ, płanujecca pradstavić u kastryčniku 2016-ha. Niekatoryja ź ich užo iduć na inšych placoŭkach, inšyja znachodziacca ŭ stadyi padrychtoŭki. Miarkujecca, što hledačy ŭbačać u novym teatry pastanoŭki pa pjesach Dunina-Marcinkieviča, Astroŭskaha, Horyna, Šekśpira, Maljera. Rychtujecca da pakazu i śpiektakl pa pjesie «Škoła łaviełasaŭ» Artura Šulaka, jaki budzie kiravać teatram-kłubam. Ranicaj u teatry namiečanyja śpiektakli dla dziaciej. Akramia pastanovak darosłaha repiertuaru, płanujucca roznaha rodu tematyčnyja viečary, u tym liku kłasičnaj muzyki.
Dniom dla naviednikaŭ teatra-kłuba buduć adkrytyja kafe i niekalki baraŭ. Prastora hetaha abjekta, zhodna z prajektam, zdolnaja transfarmavacca, dziakujučy čamu tam možna budzie pravodzić i inšyja mierapryjemstvy, u tym liku modnyja pakazy abo kanfierencyi. Dla hetych metaŭ da pasłuh hledačoŭ i ŭdzielnikaŭ zała na 650 miescaŭ.