U Hrodnie kiroŭcy spynili adnu pałasu ruchu, kab vyśvietlić adnosiny
Videa z Hrodna na svaim kanaleYouTube vykłaŭ karystalnik pad nikam evgen4479 Pupkin 25 lutaha. Jon ža źjaŭlajecca kiroŭcam mikraaŭtobusa, jaki staŭ udzielnikam kanfliktnaj situacyi na adnoj z hrodzienskich vulic.
Videa aŭtar supravadziŭ kamientarom «Hrodna, BŁK, nastaŭnik ci prosta pakryŭdžany žyćciom». Adnak paśla prahladu videa ŭ hledača źjaŭlajecca šerah pytańniaŭ, pryčym častka ź ich — da aŭtara rolika, piša ABW.BY.
Vidavočna, što kiroŭcu mikraaŭtobusa nie spadabałasia niekatoraja marudlivaść kiroŭcy Peugeot, jaki jaho apiaredziŭ. U adkaz jon apiaredziŭ Peugeot i davoli rezka viarnuŭsia ŭ pałasu, pa jakoj ruchaŭsia, napeŭna stvaryŭšy peŭnyja niazručnaści kiroŭcu «francuza». Pierad vyjezdam na darohu z kruhavym rucham Peugeot znoŭ apiaredziŭ mikraaŭtobus i prymusiŭ jaho kiroŭcu spynicca. Usio abyšłosia biez rukaprykładstva, adnak svarka aŭtaamataraŭ na niejki čas spyniła ruch u adnoj pałasie.
Videa, jašče niekalki hadzin tamu dastupnaje na YouTube, było vydalenaje aŭtaram.
U kamientarach na sajcie AŭtaHrodna, dzie raźmiaścili videazapis, čytačy pačali haračuju dyskusiju nakont taho, chto ŭ hetaj situacyi maje racyju, a chto nie. Karystalnik, jaki nazvaŭsia Sašam, paviedamiŭ, što jon źjaŭlajecca druhim udzielnikam kanfliktu i raspavioŭ, što zastałosia za kadram.
«Ja kiroŭca, jaki byŭ u dadzienaj situacyi. Škada, što bieź videadokazu. Ale, dumaju, što razumnamu čałavieku i tak usio zrazumieła.
Kiroŭca busa, kali nie ŭličyŭ habaryty svajho aŭto, to moh by prosta paprasić prabačeńnia. A pastupiŭ niepryhoža. Navat u apraŭdańnie ničoha skazać tołkam nie moh. A na zapisy vidać, jak jon mianie padrezaŭ, u mianie było žadańnie nie paźbiahać usiaho hetaha. Padrezaŭ tak, što pryjšłosia tarmazić rezka. I prytym, što ja byŭ zusim nie vinavaty ŭ śpiešcy heta čałavieka. U hutarcy jon słova vymavić nie moh akramia adnaho. Jamu pavinna być soramna. Ja ź im vyjšaŭ abmierkavać usio biez usialakich niecenzurnych vyrazaŭ. Ale było zrazumieła, što ź im hutaryć niama sensu, pavodziŭ siabie niepryhoža, prykryvajučysia svaim videa».
Abodva ŭdzielniki hetaj kanfliktnaj situacyi vinavaty kožny pa-svojmu. Ale ci kaštavała situacyja taho, kab davieści jaje da «razborak»?..