Janukovič chacieŭ by viarnucca va Ukrainu
Advakat byłoha prezidenta Ukrainy Viktara Janukoviča Vital Siardziuk zajaviŭ, što ŭ jaho klijenta jość žadańnie viarnucca ŭ krainu «i dla hetaha buduć rabicca pravavyja kroki». Pra heta Siardziuk paviedamiŭ u intervju vydańniu «Hałoŭkam», apublikavanym u aŭtorak.
ria.ru
«U jaho jość namier viarnucca va Ukrainu, i dla hetaha buduć rabicca pravavyja kroki. Janukovič ź siabie paŭnamoctvaŭ prezidenta nie składaŭ i nie samaŭchilajecca ad kiraŭnictva krainaj», - adznačyŭ advakat.
Pry hetym, pavodle słoŭ Sierdziuka, Janukovič nie ŭchilajecca ad sustreč z pradstaŭnikami pravaachoŭnych orhanaŭ Ukrainy, što viaduć rasśledavańnie pa raspačatych u dačynieńni da byłoha prezidenta spravach, a, naadvarot, «vykazaŭ svaju rašučuju hatoŭnaść udzielničać u śledčych dziejańniach».
Adnak, jak śćviardžaje advakat, namiery jaho klijenta nie sustrakajuć razumieńnia ŭ rabotnikaŭ siłavych struktur. «Faktyčna heta klijent užo daŭno šukaje śledčych pa svaich spravach», — adznačyŭ Siardziuk.