Treciakłaśnik patušyŭ pažar doma da prybyćcia ratavalnikaŭ
Treciakłaśnik ź Minska patušyŭ pažar doma da prybyćcia ratavalnikaŭ, paviedamili ŭ Ministerstvie pa nadzvyčajnych situacyjach Biełarusi.
fota MNS
Ranicaj 2 sakavika chłopčyk zastaŭsia doma adzin: maci pajšła na pracu, a ŭ škołu treba było ŭ druhuju źmienu. Jon uklučyŭ televizar i vyjšaŭ z pakoja na kuchniu, a kali viarnuŭsia, ubačyŭ, što televizar haryć. Školnik nie tolki vyklikaŭ ratavalnikaŭ, ale i zdoleŭ spravicca z ahniom da ich prybyćcia. Jon abiastočyŭ televizar, u jakoha adbyłosia karotkaje zamykańnie elektraprovada, zaliŭ vadoj pałajučy abrus i pakinuŭ pamiaškańnie.
Treciakłaśnik raspavioŭ, što za dzień da incydentu ŭ škole jakraz pravodzili ŭrok pa pažarnaj biaśpiecy. Jon dakładna vykanaŭ praviły, pra jakija daviedaŭsia napiaredadni.