Abama pra Pucina: Jon «nie taki ŭžo durań»
Prezident ZŠA Barak Abama admoŭna adkazaŭ na pytańnie, ci ličyć jon durnym svajho rasijskaha kalehu Uładzimira Pucina.
AFP
Pa słovach amierykanskaha prezidenta, Pucin vielmi zacikaŭleny ŭ tym, kab vyhladać raŭnapraŭnym partnioram ZŠA, pakolki jon «nie taki ŭžo durań». Abama nahadaŭ, što rasijskaja ekanomika skaračajecca ŭžo treci hod zapar.
«Jon razumieje, što pazicyi Rasii ŭ śviecie istotna pachisnulisia. I adzin tolki fakt uvarvańnia ŭ Krym abo sproby padtrymać režym Asada nie viernuć jaho ŭ hulniu», — zajaviŭ Abama ŭ intervju amierykanskamu vydańniu Atlantic.
Jon dadaŭ, što ŭsie jaho sustrečy z Pucinym prachodzili ŭ dziełavym klučy, a sam rasiejski prezident na ich byŭ padkreślena vietlivy i vielmi adkryty. «Mnie nikoli nie prychodzicca čakać jaho pa dźvie hadziny, jak niekatorym inšym», — adznačyŭ Abama.