Dyrektar Colgate-Palmolive Co. zvolniŭsia z-za skandału z kakainam
Dyrektar kampanii Colgate-Palmolive Co. i pa sumiaščalnictvie Karaleŭskaha banka Kanady Žao Pedra Rejnchard padaŭ u adstaŭku praz dva tydni paśla taho, jak jamu byli vystaŭlenyja aficyjnyja abvinavačańni ŭ zachoŭvańni kakainu. Pra heta ŭ piatnicu, 11 sakavika, paviedamlaje Bloomberg.
Top-mieniedžar pakinuŭ svoj post u Colgate-Palmolive Co. za miesiac da zakančeńnia terminu jaho paŭnamoctvaŭ. Pry hetym, jak paviedamlaje krynica ahienctva, Rejnchard nie źbiraŭsia zachoŭvać svajo miesca ŭ składzie novaj rady dyrektaraŭ, vybary jakoj pryznačanyja na 6 krasavika.
Pieršym 10 sakavika rašeńnie ab vyklučeńni Rejncharda sa składu rady dyrektaraŭ pryniaŭ Karaleŭski bank Kanady, u jakim top-mieniedžar prapracavaŭ z 2000 hoda.
Karaleŭskaja kanadskaja konnaja palicyja pradjaviła abvinavačvańnie Rejnchardu ŭ pieravozcy i zachoŭvańni kakainu 23 lutaha.
U lipieni 2015 hoda padobny vypadak adbyŭsia ŭ japonskaj karparacyi Toyota, top-menedžara jakoj Džuliju Chemp aryštavali ŭ Japonii pa padazreńni ŭ kantrabandzie narkotykaŭ. Supracoŭniki mytni japonskaha aeraporta Naryta vyjavili ŭ pasyłcy na jaje imia 57 tabletak mocnaha abiazbolvalnaha preparata «Aksikadon», jaki časta pryznačajecca pacyjentam z ankałahičnymi zachvorvańniami. Preparat zabaronieny da ŭvozu u Japoniju z-za ŭtrymańnia narkatyčnych rečyvaŭ.
Chemp zajaviła, što nie viedała pra zabaronu, a leki źbirałasia prymać z-za chraničnych bolaŭ u kaleniach. Praŭda, paźniej jana pryznałasia, što zamoviła tabletki nie dla siabie. Sumnieŭ u ščyraści top-menedžara vyklikała i ŭpakoŭka lekaŭ: tabletki byli vykładzienyja na dno pasyłki razam z cacačnaj bižuteryjaj. Paśla incydentu Chemp padała ŭ adstaŭku pa ŭłasnym žadańni. Paźniej pieratrusy prajšli ŭ štab-kvatery Toyota.