Žycharka Salihorska zapłaciła za zabojstva muža 10 tysiač dalaraŭ
Supracoŭnikami ŭpraŭleńnia kryminalnaha vyšuku UUS Minskaha abłvykankama raskryta sproba zakaznoha zabojstva.
Jak paviedamili va UUS Minabłvykankama, zaviaršalnaja stadyja kompleksu apieratyŭna-vyšukovych mierapryjemstvaŭ prajšła dniom 10 sakavika ŭ Salihorsku. Supracoŭniki kryminalnaha vyšuku i AMAP UUS zatrymali 68-hadovuju miascovuju žycharku, padazravanuju ŭ arhanizacyi zakaznoha zabojstva, a taksama jaje 36-hadovaha pamočnika.
Pavodle infarmacyi milicyi, kala miesiaca tamu žančyna pačała šukać čałavieka, jaki moh by likvidavać jaje pažyłoha muža. Pošuk vykanaŭcy pravodziŭsia z zachavańniem kanśpiracyi, žančyna ličyła, što vykanaŭcu možna znajści ŭ asiarodździ raniej sudzimych asob. Niepasredna za zabojstva zakazčyca hatovaja była zapłacić kala 10 tys. dołaraŭ ZŠA. Kančatkovy raźlik moh varjiravacca ŭ zaležnaści ad «jakaści» vykanańnia «pasłuhi».
Pavodle papiarednich dadzienych, akramia niepryjaznych adnosin, adnym sa złačynnych matyvaŭ staŭ materyjalny składnik. Muž mieŭ značnyja finansavyja srodki, dostup žonki da jakich byŭ vielmi abmiežavanym.
Hałoŭnym śledčym upraŭleńniem Śledčaha kamiteta raspačata sprava pa niekalkich prykmietach składu złačynstva, u tym liku pa art. 139 KK (zabojstva). Pravodzicca rasśledavańnie.