U Breście chulihan raspyliŭ u mahazinie ślozaciečny haz
U Breście 26-hadovy chulihan raspylaje ŭ praduktovaj kramie ślozaciečny haz.
Incydent adbyŭsia 10 sakavika pryblizna a 15-j u adnym sa spalnych mikrarajonaŭ. U praduktovy mahazin zajšoŭ mužčyna, jaki pavodziŭ siabie nieadekvatna, a zatym raspyliŭ źmieściva piarcovaha hazavaha bałončyka. U hety momant u handlovaj zale znachodzilisia 10 čałaviek. Pakupniki zatrymali chulihana da pryjezdu milicyi. Im akazaŭsia biespracoŭny miascovy žychar 1989 hoda naradžeńnia. Jon źmieščany ŭ izalatar časovaha ŭtrymańnia.
Naviedvalniki kramy samastojna pakinuli miesca zdareńnia. Dapamoha miedykaŭ nikomu nie spatrebiłasia. Praz hadzinu handlovy abjekt adnaviŭ pracu.
U dačynieńni da złamyśnika zaviedziena kryminalnaja sprava pa č.1 art.339 KK «Chulihanstva». Mužčynu pahražaje pakarańnie ŭ vyhladzie štrafu, hramadskich albo papraŭčych rabot na termin da dvuch hadoŭ, abo aryšt na termin da šaści miesiacaŭ, abo pazbaŭleńnie voli na termin da troch hadoŭ.