Načalnik štaba armii ZŠA: Rasija — pahroza №1
«Rasija źjaŭlajecca stratehičnaj pahrozaj №1 dla Złučanych Štataŭ. Heta adzinaja kraina ŭ śviecie, jakaja zdolnaja źniščyć ZŠA», — adznačyŭ načalnik štaba Suchaputnych vojsk ZŠA hienierał Mark Mili.
nationaldefensemagazine.org
«Pavodziny RF ciapier u śfiery mižnarodnaj palityki — ahresiŭnyja. Jeŭropa nie bačyła takich pavodzin z časoŭ Druhoj suśvietnaj vajny», — skazaŭ hienierał.
Jon adznačyŭ, što za apošnija hady Rasija pavialičyła i abnaviła svaje arsienały, a kirujuć jaje pavodzinami «strach i hanarlivaść».
Padčas vystupu na kanfierencyi «Budučynia vajny» u Vašynhtonie na hetym tydni Mili taksama vykazaŭ mierkavańnie, što ŭ bližejšyja 10-15 hod naziemnyja bajavyja dziejańni pieražyvuć revalucyjnyja źmieny.
Jon źviarnuŭ uvahu prysutnych na raźvićcio łaziernych technałohij, rabatyzacyi, jakaja moža pryvieści da źjaŭleńnia bieśpiłotnych transpartnych kanvojaŭ, źjaŭleńnie novych typaŭ bojeprypasaŭ, elektramahnitnaj zbroi.