Minuły luty staŭ samym ciopłym na Ziamli za ŭsiu historyju nazirańniaŭ
U lutym 2016 hoda ŭ centry Minska. Fota Siarhieja Hudzilina.
Minuły luty staŭ samym ciopłym miesiacam na Ziamli za ŭsiu historyju nazirańniaŭ, paviedamlajuć ekśpierty NASA na padstavie dadzienych, atrymanych z kaśmičnych spadarožnikaŭ.
Navukoŭcy nazyvajuć pryčynaj hetaha spałučeńnie rekordna mocnaj prajavy tak zvanaha «efiektu El-Nińjo» z pracesami antrapahiennaha hłabalnaha paciapleńnia.
Pavodle vymiareńniaŭ NASA, hłabalnaja siaredniaja tempieratura na pavierchni Ziamli była ŭ hetym lutym na 1,35 hradusa vyšejšaj za siaredniaje značeńnie dla hetaha miesiaca za kantrolny pieryjad z 1951 pa 1980 hod.
A heta značyć, što tempieraturny adchileńnie ad normy lutaha 2016 hoda stała samym značnym za ŭvieś čas navukovych mieteanazirańniaŭ, to bok z 1880 hoda.
Takim čynam hety luty pabiŭ rekord «anamalnaści», jaki byŭ ustalavany miesiac tamu studzieniem 2016 hoda.
Śpiecyjalisty NASA źviartajuć uvahu na toje, što papiaredni anamalna ciopły luty byŭ u 1998 hodzie — taksama ŭ hod vielmi intensiŭnaha El-Nińjo. Adnak tady pieravyšeńnie siaredniaj tempieratury nad normaj skłała tolki 0,846 hradusa.