U Minsku vyznačyli, jak i za jakija hrošy možna reziervavavać miescy na mohiłkach
Rašeńnie Minharvykankama «Ab niekatorych pytańniach, źviazanych z pachavańniem i pachavalnaj spravaj» № 260, jakoje ŭstupiła ŭ zakonnuju siłu 12 sakavika, rehłamientuje paradak vydzialeńnia i reziervavańnia miescaŭ na mohiłkach i ŭ kałumbaryjach, a taksama ich košt.
Časta pry pachavańni adnaho z členaŭ siamji jaho svajaki adrazu ž reziervujuć pobač ź jaho mahiłaj miescy dla dadatkovaha pachavańnia. Padobnaje reziervavańnie ciapier mahčyma pa zajavie (mohuć być paznačany proźviščy i inicyjały svajakoŭ, dla pachavańnia jakich reziervujecca miesca) za płatu.
Kolki miescaŭ možna reziervavać? Nie bolš za try dadatkovych miescaŭ dla pachavańnia skryniaŭ z pracham (popiełam) u dziaržaŭnym kałumbaryi abo adnaho dadatkovaha asobnaha ŭčastka dla pachavańnia, jaki znachodzicca pobač. Taki ŭčastak moža praduhledžvać adna-, dvuch-, troch- ci čatyrochmiascovaje pachavańnie.
Kolki kaštuje miesca dla pachavańnia? Dakumientam taksama ustanaŭlivajecca płata za pradastaŭleńnie abo reziervavańnie adnaho miesca ŭ dziaržaŭnym kałumbaryi ŭ pamiery 10 bazavych vieličyń; za pradastaŭleńnie učastkaŭ dla pachavańnia albo za reziervavańnie učastkaŭ dla pachavańnia zvyš taho ŭčastka, jaki pradstaŭlajecca na biazvypłatnaj asnovie, — u pamiery 15 bazavych vieličyń za kožny kvadratny mietr terytoryi.
Pamiery učastkaŭ dla adnamiesnaha pachavańnia nie mohuć być bolš za 1,4 mietra ŭ šyryniu i 2,3 mietra ŭ daŭžyniu; dla dvuchmiesnaha pachavańnia — 2 mietry ŭ šyryniu i 2,3 mietra ŭ daŭžyniu, trochmiascovaha — 3 mietry ŭ šyryniu i 2,3 mietra ŭ daŭžyniu, čatyrochmiascovaha — 4 mietry ŭ šyryniu i 2,3 mietra ŭ daŭžyniu.