Hiermanija moža pavialičyć kolkaść vajskoŭcaŭ Bundeśviera
Ministerstva abarony Hiermanii razhladaje mahčymaść pavialičyć kolkasny skład nacyjanalnych uzbrojenych sił na 7 tys. bajcoŭ i 3 tys. cyvilnych supracoŭnikaŭ, paviedamiła «Niamieckaja chvala» sa spasyłkaj na Redaktions Netzwerk Deutschland.
Na druhim etapie kolkaść niamieckaj armii budzie pavialičanaja jašče na 15 tys. čałaviek.
Ministerstva abarony krainy nie paćvierdziła hetyja ličby, adnak pryznała, što praciahvajecca raspracoŭka hetych płanaŭ. Rašeńnie moža być pryniataje ŭ sakaviku-krasaviku.
Raniej pradstaŭniki Minabarony FRH paviedamlali, što zmahańnie z teroram, apieracyja ŭ Siryi, miratvorčyja apieracyi i pavialičeńnie abaviazkaŭ Bierlina pierad NATO (pad čym, vierahodna, razumiejecca vialiki kantynhient vojsk na vypadak rasijskaj ahresii ŭ Jeŭropie) nie mohuć pravodzicca z najaŭnaj kolkaściu asabovaha składu. U 1990 hodzie FRH mieła kala 600 tys. vajskoŭcaŭ, ciapier — 179 tys.