Minabarony RF: Rasijskaja avijacyja ŭ Siryi praciahnie nanosić udary pa terarystach
Rasijskaja avijacyjnaja hrupoŭka ŭ Siryi praciahnie nanosić udary pa abjektach terarystaŭ, zajaviŭ siońnia namieśnik ministra abarony Rasii — stats-sakratar Mikałaj Pankoŭ.
«Dasiahnuty peŭnyja stanoŭčyja vyniki. Źjaviŭsia realny šanc pakłaści kaniec šmathadovamu procistajańniu i hvałtu. Adnak pra pieramohu nad teraryzmam havaryć pakul rana. Rasijskaja avijahrupa maje zadaču praciahnuć naniasieńnie ŭdaraŭ pa abjektach terarystaŭ», — skazaŭ Mikałaj Pankoŭ na ŭračystym mierapryjemstvie ŭ suviazi z vykanańniem rasijskimi vajennymi zadač na terytoryi Siryi.
Jon nahadaŭ, što pieramirje, dziejučaje ŭ krainie z 27 lutaha, nie raspaŭsiudžvajecca na bajevikoŭ «Isłamskaj dziaržavy», «Džebchat an-nusry» i inšych hrupovak, pryznanych Savietam Biaśpieki AAN terarystyčnymi.
Mikałaj Pankoŭ taksama paviedamiŭ, što bajavaja rabota rasijskich lotčykaŭ i padraździaleńniaŭ zabieśpiačeńnia ŭ Siryi dała mahčymaść «sarvać płany terarystaŭ pa ekspansii ŭ novyja rehijony, u tym liku ŭ Rasiju». Pry hetym jon adznačyŭ, što «za košt naniasieńnia istotnaha ŭronu terarystam udałosia aktyvizavać nastupy hrupovach uradavych vojskaŭ Siryjskaj Arabskaj Respubliki i vyzvalić bolš jak 200 nasielenych punktaŭ».
Nahadajem, učora prezident RF Uładzimir Pucin zahadaŭ pačać vyvad asnoŭnych vojskaŭ ź Siryi.