Siezon atrakcyjonaŭ u Minsku pačniecca 15 krasavika
U Minsku adkryćcio siezona atrakcyjonaŭ płanujecca na 15 krasavika, paviedamiŭ hienieralny dyrektar kamunalnaha unitarnaha pradpryjemstva «Minskzielenbud» Ihar Kušniarevič siońnia na apieratyŭnaj naradzie ŭ Minharvykankamie.
«U Minsku pačata padrychtoŭka da ekspłuatacyi atrakcyjonaŭ. Zhodna z płanam mierapryjemstvaŭ pa raskansiervacyi atrakcyjonaŭ, vykonvajecca kompleks rabot», - skazaŭ Ihar Kušniarevič.
Śpiecyjalisty praviarajuć mietałakanstrukcyi na tryvałaść, pravodziać hruzavyja vyprabavańni i elektrafizičnyja vymiareńni, udakładniŭ hiendyrektar. U vypadku nieabchodnaści znošanyja detali, vuzły i miechanizmy buduć zamienienyja. «Pry ŭmovie zachavańnia normaŭ biaśpieki Dziaržpramnahlad vydaje dazvołu na zapusk atrakcyjonaŭ», - adznačyŭ Ihar Kušniarevič.