Raspačaty praces bieatyfikacyi budaŭnika Čyrvonaha kaścioła Edvarda Vajniłoviča
Praces bieatyfikacyi Edvarda Vajniłoviča pačniecca ŭ hetym hodzie, paviedamiŭ siońnia žurnalistam mitrapalit Minska-Mahiloŭski, arcybiskup Tadevuš Kandrusievič.
«10 krasavika pačniecca praces bieatyfikacyi Edvarda Vajniłoviča, zasnavalnika Čyrvonaha kaścioła», - skazaŭ mitrapalit, paviedamlaje BiełTA.
Pra toje, što 10 krasavika ŭ Čyrvonym kaściole projdzie ŭračystaść z nahody pačatku bieatyfikacyi Edvarda Vajniłoviča skazaŭ u niadzielu, 20 sakavika, padčas imšy i probašč Uładzisłaŭ Zavalniuk. Jon pryvioŭ prykład žyćciovaha šlachu Vajniłoviča jak uzor dbajnaha haspadara, hramadzianina i patryjota.
Edvard Vajniłovič (1847—1928) uvajšoŭ u historyju jak palityčny i hramadski dziejač. Byŭ hanarovym miravym sudździoj Słuckaha pavieta, členam Dziaržsavieta Rasii ad Minskaj hubierni, trojčy abiraŭsia ŭ Dziaržaŭnuju dumu i h.d. U 1910 hodzie pa jaho inicyjatyvie ŭ Minsku byŭ pabudavany Čyrvony kaścioł (Kaścioł śviatych Symona i Aleny).