Najnoŭšyja iPhone SE chutka źjaviacca ŭ Biełarusi: terminy i ceny
24 sakavika ŭ šerahu krain, u tym liku ZŠA i Hiermanii, startuje pieradzamova na najnoŭšyja smartfony Apple, prezientavanyja na hetym tydni — iPhone SE.
Analiz prapanoŭ internet-kram i anłajn-abjaŭ u Biełarusi pakazaŭ, što pradprymalnyja biełarusy hatovyja pryvieźci iPhone SE nieciarplivym pakupnikam ŭžo 1 krasavika (na nastupny dzień paśla hłabalnaha startu prodažaŭ). Košt 16 HB madeli ŭ hetym vypadku pačynajecca ad 11 młn rubloŭ, 64 HB - ad 12,9 miljonaŭ rubloŭ.
Zrešty, heta samyja maleńkija ceny. U siarednim, za 16 HB madel prosiać ad 11 da 12,5 miljonaŭ rubloŭ, za 64 HB - da 16 młn (kala 800 dalaraŭ pa biahučym kursie).
Da kanca krasavika ceny tradycyjna ŭpaduć — užo jość abjavy, jakija prapanujuć, naprykład, zamović 16 HB hadžety pa canie ad 10 miljonaŭ rubloŭ.
Aficyjna — daražej
Apple i jaje pradstaŭniki ŭ Biełarusi nie kamientujuć źviestak pra toje, kali iPhone SE aficyjna źjaviacca ŭ Biełarusi. Adnak pa dadzienych pradstaŭnika adnoj z roźničnych sietak, znajomaha ź situacyjaj, hetyja hadžety mohuć źjavicca ŭ prodažy ŭžo ŭ kancy krasavika.
Aficyjnaja cana pry hetym tradycyjna budzie niemałoj. Čakajecca, što iPhone SE ŭ 16 HB viersii abyjdziecca pakupnikam u 12,5 miljonaŭ rubloŭ, smartfon z 64 HB pamiaci budzie kaštavać 16 młn rubloŭ.
Nahadajem, što «brat-bliźniuk» iPhone SE — iPhone 5s ciapier pradajecca ŭ Biełarusi pa canie ad 7 młn rubloŭ.